“Бидний алхам”- 2023 “Эм зүйн тусламжийн тогтолцоог бэхжүүлэх” нь сэдэвт Эрдэм шинжилгээний IX-р хурал боллоо.
- 30 November 2023
- Published on Пүрэв, 30 November 2023 16:56
Эм хангамжийн салбар үүсэж хөгжсөний 100 жилд зориулсан “Бидний алхам”- 2023 “Эм зүйн тусламжийн тогтолцоог бэхжүүлэх” нь сэдэвт Эрдэм шинжилгээний IX-р хурал боллоо. Хурлыг ЭХЭМҮТ, АШУҮИС-ийн Эм зүйн сургууль, Монголын эмнэл зүйн эм зүйчдын хөгжил нийгэмлэг хамтран зохион байгуулсан юм.
Эм зүйн чиглэлээр судалгаа хийж буй судлаачдыг дэмжих, эм зүйн тусламжийн тогтолцоог бэхжүүлэх, эмийн эмчилгээний үр дүнг сайжруулахад эм зүйчдийн үүрэг оролцоог нэмэгдүүлэх, эмнэлзүйн тусламж үйлчилгээний туршлага солилцох, эмнэлзүйн эм зүйн салбарт тулгамдаж буй асуудлыг шийдвэрлэх, хамтран ажиллах нөхцөлийг бүрдүүлэх нь энэ удаагийн хурлын зорилго байлаа.
Хурлаар нийт 18 илтгэл хэлэлцүүлсэнээс тэргүүн байранд Улсын 3-р төв эмнэлгийн Эмнэлзүйн эм зүйч А.Сосорбарам, Дэд байранд Эх хүүхдийн эрүүл мэндийн үндэсний төвийн эм зүйч М.Тэмүүлэн, Гутгаар байранд АШУҮИС-ийн Монгол Японы сургалтын эмнэлгийн эм зүйч Ц.Дэлгэрмаа, Эм зүйч Г.Алтангадас нарын бүтээл шалгарлаа.
Эрдэм шинжилгээний хуралд 35 эмнэлгийн 170 гаруй эм зүйч нар хамрагдлаа.
